Dispur, Jylliew 4: Uwei u Rangbah bala tip kyrteng kum u Bah Salvation Nongrum 43 snem ka rta naka shnong Umlakhar, Ri-Bhoi District u la shah kem haki pulit pahara khlaw ka Sonapur Forest Range, Assam hadien ba u la shah kynnoh donkti ban pyniap ïa u hati khlaw haka thaiñ Sonapur dang ha kine ki khyndiat sngi bala leit.
Katkum ka jingtip bala ioh lum la ong ba utei u rangbah u la shah kem haka step phyrngap jong ka 3 tarik Jylliew 2026.
Ki bahaiing jong utei u rangbah ki dap da ka jinglyngngoh kaba khraw bad kynnoh ruh ba kane ka dei tang ka jingpharep ki pulit pahara khlaw ka Assam kiba la shu kem bad kynnoh kulmar namar u tei u rangbah u dei u ba ju don ha shnong bad kamai kali nalorkata ki bahaiing kila kynnoh ruh ba ki pulit pahara khlaw ka Assam kila bom la shoh ruh ïa utei u rangbah.
Shuh shuh tad haduh ban da thoh ïa kane ka khubor utei u rangbah u dang don ha kti jong ki pulit ka Assam kiba dang pynlong ka jingtohkit haba ïadei bad katei ka jingjia.
Sa peit ruh
