Nongpoh, Naiwieng 28: Ha kawei na ka jingjiia ba sngewsih kaba la jia hynnin ka sngi ha surok Shillong By-pass, iwei I heprit ba dang 8 snem ka rta I la duh noh ia la ka jingim hadien ka jingshah tynrah ha ka Trok Container kaba don ia u number UP-82-BT-5107 bad kaba la niah da u Girish Chandra.
Kane ka heprit kaba la duh noh ia la ka jingim ka dei na ka Shnong Pyllun ba hap ha ka Block-V.
Katkum ka khubor ba la ioh lum, laong ba kane ka jingjia ka la jia ha ka por 9 baje ei ei mynstep ha kaba itei I heprit ki dang thmu ban leit skul bad khlem poi pyrkhat katba I dang iaid ha ka surok la wan syllad kynsan da katei ka trok haduh ba I la duh syndon ia la ka jingim.
La iathuh ruh ba u nongniah katei ka Trok hadien ba la sylla ia katei ka heprit u la phed krad na katei ka jaka bad donbok noh ba don kiba iohi ki la beh bad la ioh ban bat noh hadien ba u la poi ha Umeit.
Shuh shuh, halor kane ka jingjia, ki PUlit ki la kem noh ia u Nongniah katei ka Trok bad ia ka Kali ban rah sha thanad na ka bynta ban pynlong ia ka jingtohkit kaba bniah.
