Nongpoh, Jymmang 04: Ka Little Star Higher secondary school Baridua mynta ka kynti jong u snem 2026 ka la paw biang ka kyrteng ha ka Top 10 jong ka eksamin HSSLC MBOSE kaba dei ha ka Arts Stream hakaba ka wei ka khynnah kaba la tip kyrteng kum ka swastika Giri Ka la wan haka kyrdan ka ba 5 napdeng ki 10 ngut kiba la rung ha ka top 10.

Ka samla Swastika Giri ka la ioh ban khur haduh 440 marks na baroh ki sobjek bad ka la ioh ruh ïa kiu letter marks ha ka sobjec English, Health, Sociology, Physical Education , Political Science bad ka Education.

Hakane ka sngi ba pynmih ïaka resol jong k HSSLC ki Nonghikai bad ki khynnah pule ki la mih sha madan skul da kaba ai burom ïa kine ki khynnah ki ba ïaleh ïaka eksamin HSSLC mynta u snem bad ki ba la pass bha haka first division ha ryngkat ka jingïashad kmen bad pyn bthei bom kum ka dak ka jinglehkmen.

Naka liang ka principal kane ka skul ka D.N Sharma ka la ong ba wat la mynta u snem tang khyndiat ki khynnah ki ba mih naka ne ka skul ban thoh exam, hynrei ka jingkmen ka wan hadien ba na ka liang ka Swastika Giri ka la ioh ban kheit ïa u soh u ba thiang bad kaba la wanrah burom shisha ïa ka skul wat la bun ki khynnah ki leit pule sha Assam ba don ha khappud kane ka skul bad wat la katta ruh kane ka khynnah skul ka la pyni ba maka ruh ki lah ban paw ha ki jingpule.

Naka liang ka Swastika Giri bad ki wei pat ki khynnah pule ki la ai shisha ka jingïaroh ïaki nongpynïaid ka skul khamtam ka Megha Sharma kaba dei ka Counselor jong ka skul, kiba la ju btin lynti bad ïarap bha ïaki khynnah hakano kano ka bynta haduh ba kin lah ban pynurlong ïa kaei ka jingthrang jong ki haduh kine ki sngi.