Ha kawei ka jingjia hynnin ka sngi, kawei ka liengsuin rit kaba dang mih na Cascavel da ka jingthmu ban leit sha ka nongbah Sao Paulo jong ka ri Brazil, ka la shad pyllun pyllun namar ka jingthut kat haduh ba kan da hap syndon ha ka sor Vinhedo, kaba jngai kumba 80 kilometer na ka nongbah Sao Paulo.
Katkum ka khubor ba la iohlum, la iathuh ba katei ka liengsuin rit ka la hap ha katei ka sor Vinhedo ha ka por kumba 1:30 janmiet ha ka jaka ba don ki dieng bad ki ïing briew kat haduh ba kan da pluh syndon bad mih ia ka tdem kaba shyrkhei.
Kumba 61 ngut ki briew kiba don hapoh katei ka liengsuin ATR-72, ki la duh noh iala ka jingim ha katei ka jingjia. Na ka liang ki briew kiba la sakhi ia katei ka jinghap kane ka liengsuin, ki la iathuh ba ka la don ruh ka jingbthei bad jingsawa kaba khyrshei ha katei ka jaka.
