Ha ka 9 tarik u Jymmang 2025, ka International Monetary Fund (IMF) ka la mynjur ïa ar tylli ki bynta jong ka ram kaba baroh $2.4 billion na ka bynta ka Pakistan hapoh ka jingïarap pisa kaba $7 billion, katba ka buh 11 tylli ki kyndon ba thymmai jong ka jingairam.
Kine ki kynthup ia ka jingmynjur jong ka iing dorbar thaw ain jong ka Pakistan ban pynkiew ia ka mang tyngka jong ka ri kaba iadei bad ki kyndon jong ka IMF, ka jingpynmih ia ka plan treikam jong ka jingsynshar, bad ka jingpynkylla ia ka dor jong ka bording ieltrik bad gas.
Ha ka kaiphod jong ka, ka IMF ka la pynpaw ïa ka jingma kaba nang kiew namar ka jingjur jong ka jingïakynad hapdeng ka India bad ka Pakistan, da kaba maham ba kane ka lah ban buh jingma ïa ki thong jong ka pla tyngka bad ka jingpynkylla.
Ka kaiphod ka la kdew ruh ïa ki “jingma kiba lah ban mih na ka nam kaba sniew” lada la shim ïa ka pisa jong ka IMF bad ki lah ban pyndonkam bakla sha ki kam pyntriem. Kane ka la jia tang hadien ba u myntri kam Pohiing ka Ri, U Rajnath Singh, u la kam ba ka jingiarap pisa sha ka Pakistan ka long kum ka jingai jingiarap ia ki lehnoh bad kyntu ia ka IMF ban pyrkhat biang ia ka jingkyrshan pisa jongka.
