Uwei u kapten jong ki shipai Indian Army u la khlad noh ha ka jingiasiat suloi kaba la jia hapdeng ki bor pahara bad ki lehnoh ki bym lah ban ithuh ha Doda District jong ka Jammu bad Kashmir mynta ka sngi balang.
Kane ka jingiasiat ka la jia ha kawei ka jaka kaba kham rben ki khlaw ha ka por ba la pynlong ïaka Cordon and Search Operation (CASO) ban thwet ia ka kynhun ki lehnoh kiba riehtngen ha Shivgarh-Assar belt ha Doda’s Assar.
U wei u kapten jong ka kynhun shipai India na ka 48 Rashtriya Rifles u la khlad noh ha ka jingïakhun ba ka Op Assar kaba dang ïaid shakhmat ha Doda district. Ki jingiakhun ïaki lehnoh ha katei ka jaka ki dang iaid shakhmat,” la ong ki heh jong ka tnad iada ri.
Katkum ki tyllong khubor la ong ba kitei ki lehnoh la ngeit ba ki rieh tngen ha Shivgarh-Assar belt bad ki don ruh kiba lah ban mynsaw namar ba la iohi ia ki dak snam ha katei ka jaka.
La pynlong ruh ia ka jingthwet ia ki lehnoh ha katei ka thain hapdeng ka jingiasiat suloi kaba jur bha, bad ki shipai kila kurup ruh kawei ka suloi M4 Carbine bad 4 tylli ki pla.
