Shillong, ïaïong 02: Ka Confederation of Meghalaya Social Organizations (CoMSO) ka la sdang ia ka jingialap ban pan jingkyrshan na baroh 60 ngut ki nongthaw aiñ ka jylla na ka bynta ban pyntreikam ia ka Special Intensive Revision (SIR) jong ka thup kyrteng thep vote bad ka jingpynkylla ia ka Riti Synshar (Scheduled Tribes) Order, 1950 ha Meghalaya.

“Ngi la ai por 45 sngi ïa ka sorkar jylla ba kan shim ia ki sienjam ban thoh sha ka tnad kam poh iing jong ka sorkar pdeng, sha ka Election Commission ka ri India, bad sha kiwei pat ki bor halor kine ki mat,” la ong u chairman ka CoMSO u Roykupar Synrem hadien ba u la iakynduh ia u president ka BJP ka jylla u Rikman G Momin ha ka sngi palei bad bynrap ruh ba kum ka kynhun kan sa leit ruh ban ïakynduh ïaki seng saiñ pyrthei ban pan jingkyrshan halor kane ka mat kaba kongsan kaba ktah ïaki trai muluk.

Naka liang ka BJP State Unit kala pyynthikna ba ka don haka juh ka liang ha kaba ïadei bad ka jingpyntreikam ïaka SIR bad kumjuh ruh ban pule bniah ha kaba iadei bad ka jingpynkylla ia ka Riti Synshar (Scheduled Tribes) Order, 1950 ha Meghalaya

Shuh shuh ka CoMSO ka pdiang ïaka jingkren u Myntri Rangbah u ba la ai jingkyrshan ïaka SIR hynrei kala buh ka jingkyrpad ba dei ban shim da ki sienjam ba tyngeh ban pyntreikam ïaka namar ym dei tang haka ktien hynrei kaba kongsan ka dei ka kam.