Nongpoh, Ïaiong 15: Kawei ka Trok kaba don ïa u number AS-01-KC-9466 bad kaba kit shi Trok ki marjot, ka la kem ding kynsan ha ki bynta ka surokbah NH-27 hajan ka Ganesh Mandir, kaba don mar shilliang bad ka shnong 8mer, Baridua, Ri Bhoi.

Katei ka jingjia ba kemding kynsan katei ka Trok kit marjot, ka la jia hynnin ka miet ha ka por 10 baje eiei janmiet, ha kaba lyngba katei ka jingkemding ba kynsan jong katei ka Trok, ka la pynsyier lut ïa ki riew paidbah kiba shong ba sah haruh jong katei ka surok.

La ong ba katei ka Trok ka dei kaba mih na Guwahati, da kaba jingthmu ban pynpoi ïa kitei ki mar sha Nongbah Shillong, hynrei haba la poi ha katei ka jaka, ka la kemding kynsan bad ka ding ka la sdang ban klang na ki bynta ba shakhmat ka Trok.

Ha katei ka jingjia, ym shym la don kiba la mynsaw ne kino kino ki jingjia ba sngewsih, namar u nongniah bad nongbud ka Trok, ki la mih noh na kali, hadien ba katei ka Trok ka la sdang kemding.

Tang mar ïa tip halor katei ka jingjia, ki Pulit pynlip ding na ka jylla Assam, ki la leit mar mar sha katei ka jaka, ba la kemding kynsan katei ka Trok bad kiba la lah ban pynlip noh ïa ka ding.