Nongpoh, Lber 24: Ki paidbah ki la hap bha ban husiar bha ha kine ki sngi ha kaba dang shen ka ladon ka jingkyndang ki runar ia kawei ka dukan die mobile ha Boirymbong bad hynnin ka janmiet pat la don sa kawei ka dukan die mobile kaba la shah tuh haduh 3 tylli ki mobile ha ki runar kiba la rung tuh bad ioh ban rong tuh ia ki mobile.

Kane ka jingjia ka la jia ha Umsning Proper A ha kawei ka dukan die mobile ba la ia kyrteng S.M Pyngrope Enterprise bad la lap ba kine ki runar ki la tuh ia ki mobile lyngba ka jingioh ring dur lyngba ka CCTV Camera.

Kumba la iathuh da u trai katei ka dukan die mobile, la ong ba kitei ki runar la suba ba ki lah ban dei kiba dang khynnah bad ki la shim kabu ban rung sha dukan bad ban rong tuh ia 3 tylli ki mobile ha ka por ba ka nongap dukan ka dang leit shabar.

U trai ka dukan u la iathuh ruh kumba long haduh mynta kane kam dei ka sien kaba nyngkong ba la shah tuh ki mobile bad ka la dei ka sien kaba ar ba la lap lyngba ka jingioh ring dur ka CCTV Camera.

Shuh shuh, kumba long haduh mynta la pyntip ba kim pat ujor kano kano ka ejehar sha ki Pulit bad ki dang ban tohkit shwa ha kaba la suba ba ia kane ka kam la leh da ki khynnah kaba ki la sdang ban lap ksai.