Nongpoh, Risaw 21: Ban pyrshah Ïa ka jingbret blei ka Puja Committee ka thain Zero Point sha ka Pung ha Nongmahir ba ka ju pynlong ka jaka bret blei man la u snem, ka KSU Umsning Circle ym tang ba pyrshah bad mynta ka sngi ka leit ban pahara ïa katei ka pung Nongmahir ban pyrshah jur lada wan bret blie ka Puja Committee.
Ha kane ka jingleit paharam ïa katei ka pung Nongmahir kaba dei kawei na ka jaka kaba ju khring ïa ki nongjngohkai pyrthei la ïalam da u President ka KSU Umsning Circle u Samla Lester Nongbet bad u General Secretary u Samla Laraplang Nongbri, ki dkhot ka KSU, u Rangbah Shnong ka Nongmahir u Bah Elbin Ripnar bad ryngkat ka jingsynran lang u samla James Hitler Mawphniang uba dei u General Secretary ka KSU North Khasi Hills District.
Pule ruh: Durga Puja Celebrations in Nongpoh Proceed Peacefully and urged for Unity
Ha kane ka sngi, ka Puja Committee ka thain Zero Point kam shym la wan poi ban bret blei ha ka pung Nongamahir na ka daw ka jingpyrshah ka KSU Umsning Circle bad ka seng ka la pyrshah teng ruh ha u snem 2023 ïa ka Puja Committee ka thain umsning ban bret blei ha ka wah Umran Dairy.
Haba pynshai halor kane ka jingpyshah bret blei sha ki wah bad sha katei ka pung Nongmahir, ka KSU Umsning Circle ka la shim lyngba ka Water (Prevention and Control) Act 1974 bad kynthup ruh ïa ki kyndon ba la pynmih da ka Central Pollution Control Board ha u snem 2010, ba la kren shai ba dei ban pyngnam ïa ki blei da kaba tih hi ïa ki pung um ban bret blei lane kita ki artificial pond khnang ba kan nym ktah ïa ki wah, ki pung ne ïa ka mei mariang.
Peit ruh:
Shuh shuh, h akane ka sngi ka KSU Umsning Circle kala pynlong ruh daka jingthung dieng ha shi lynter ka Pung Nongmahir hakaba la ïa shim bynta lang da ki Nongïalam bad ki dkhot jong ka Umsning Circle.
