Namar ka jingsynjor ka jingpyrkhing ka sorkar ïaka rung ka mih ki bar jylla kadei ka dawbah bala pynlong ïaki sengbhalang ban trei hi ïakam bad ban khynra ïaki kot ki sla jong ki bar jylla kiba wan ban trei sha kane ka jylla ong u President ba rangbah ka FKJGP u Bah Dundee Cliff Khongsit.
U Bah Dundee ula ong ba “ka seng kala pynlong iaka jingkhynra ia ki nongtrei bar jylla bad kumjuh ia ki bar jylla kiba khaii pateng khlem ka jingdon ka Trading License kadei namar ba ka sorkar kam shym la leh eiei bad kala shu shong kli kti”.
U la ong baka Sorkar Jylla kam leh eiei, namar kata ka FKJGP bad kiwei ki seng kiba don ia ka jingkitkhlieh kila shim iaka sienjam ban leh iaka ba donkam bad kum ki nongïalam ka seng kim don shuh kano kano ka jingsngew lyngngoh haba ki dkhot ki ioh ïaki shithi bad shah khot hajir haki pulit, u la bynrap.
