Ki Pulit ka Hima Mylliem kila byrngem ban khang tala iaki dukan kiba pynsah miet iaki briew hapoh dukan ha Iewduh.
Ia kane la pyntip da u In-charge Thanat Hima Mylliem u Bah Sainbor Nongkhlaw.
Kane kala ka jingbyrngem ka la wan hadien ba ka seng Hynniewtrep Youth Council (HYC) haka 9 tarik mynta u bnai kala lap ba don ki trai dukan kiba pynsah miet iaki briew hapoh ki dukan. Ka HYC kala shem ruh ba ki don ki briew kiba pynialeh khalai hapoh ki dukan.
Haba kren sha ki lad pathai khubor u In-charge Thanat Hima Mylliem u Bah Sainbor Nongkhlaw ula ong baka Hima Mylliem kan leh daka ba tyngeh, lada dang lap ba don kiba pynsah miet iaki briew hala ki dukan ne ban leh ia kiwei kiwei ki kam kiba khlem da ioh jingbit na ka Hima Mylliem.
