Tang hadien ba u Saleng Sangma u la ai ïaka shithi iehnoh kam kum u MLA jong ka Congress na Gambegre Constituency sha ka Assembly Secretariat hadien ba u la jop ïaka elekshon MP Lok Sabha na Tura Parliamentary Seat, ka party NPP mynta ka hap ban khohreh ïano ban pynieng kyrtong na katei ka constituency kaba dei ruh ka ktem jong u Saleng Sangma bad ka party Congress ha ka elekshon shiteng samoi.
Ka thymmei khubor bala ioh lum la ong ruh ba naka liang ki nongkyrshan ka party NPP kila tyrwa ïa 2 ngut ki kyrteng ba kynthup ïaka Dr. Metabh Chandee A Sangma kaba dei ka kurim jong u Myntri Rangbah ka jylla u Conrad Sangma bad ïa u James Sangma u hynmen jong u Conrad Sangma ba dei ruh u MLA barim ka Dadenggre.
Kane ka elekshon shiteng samoi ha katei ka constituency bala mihkhmat da u Saleng Sangma kan dei ruh kum ka jingtynjuh ïaka party NPP kumba katei ka Constituency ka dei ka ktem jong ka party Congress bad dang ha kane elekshon MP bala dep ka Agatha Sangma kaba dei ka kyrtong jong ka NPP bad ka para trai jong u Myntri Rangbah ka jylla kala shah pynrem kput ha u Saleng Sangma haduh 155241 vote.
ÏANO KA NPP KAN PYNÏENG BAN AIRENG ÏAKA BYE-ELECTION, PAW KA KYRTENG U JAMES BAD KA KURIM U CONRAD
