Ka kynhun jong ki pulit Commando napoh ka Kakching District Police ha ka jingkhynra kaba jur ia ki seng kiengatiar kiba ju leh ia ki kam pyntriem hapoh ki jaka khappud ka Kakching District ha ka jylla Manipur, ki la ioh ban kem ia lai ngut ki riew kiengatiar jongka seng kaikhlaw, ka KCP People’s War Group napoh ka thain Pangantabi.
Ia kine ki lai ngut ki riew kiengatiar, la ioh kem da ki pulit Commando mynta ka step bad kine ki riew kiengatiar ka KCP, la ithuh ia ki kum u Thokchom Sornu ba ju khot sin kum u Amujao Singh, u Laishram Birdina Meitei ba ju khot sin da u Tabhidi bad u Khundrakram Rojit Sing ba ju khot sin kum u Washington.
Ha ka jingtohkit ki pulit commando, kine ki lai ngut ki riew kiengatiar ki la phla ba ka seng kaikhlaw jong ka KCP ka ju donkti ban lute bad leh ia ki kam pyntriem ha kylleng ki jaka ba kynthup ban dawa pisa na ki riew paidbah, na ki karkhana dieng, ki kali kamai bad kiwei kiwei ki kam pyntriem.
