U Lat ka Jylla u CH Vijayashankar hynne ka sngi u la leit jngoh ïaka Khasi Heritage Village bad ïaka Law Kyntang kaba don ha Mawphlang.
Ia u Lat ka Jylla la synran daka kynhun naka KHADC haka jingialam da u CEM u Bah Pyniaid Sing Syiem haka jingdon lang ki Executive Member (EM) bad u Nongialam ka liang pyrshah u Bah Titosstarwell Chyne, ki nongialam ka Hima Mawphlang, ki Rangbah Shnong, ki seng longkmie bad kiwei kiwei de.
Ha kane ka jingleit jurip, u Lat ka Jylla u CH Vijayashankar u la ai ka jingiaroh iaki paidbah ka Jylla daka ba kdew ba ki ieid bad ki nang bha ban iada iaki khlaw ki btap.
U Lat ka Jylla u kyntu ba kum ki nong shong shnong ba im ryngkat bad ka mei mariang, kidei ban hikai ruh ia kiwei kumno ban nang pyniajan bad ka mei mariang.
U la kyntu ruh iaki bor pyniaid ka KHADC bad iaki paidbah ban nang iai shim iaki lad lynti ban pynneh pynsah iaka riti dustur bad iaka jinglong kyrpang.
