Ki MLA ka Liangpyrshah ka Voice of the People’s Party (VPP) kila mih jyndat napoh ka ingdorbar ban pyrshah ia u Myntri ka tnat Pule Puthi u Rakkam Sangma.
U Nongialam ka VPP u Bah Ardent Miller Basaiawmoit ha shuwa ban rah iaka Short Duration Discussion, ula kyrpad ia u symbut Lamphang ka ingdorbar ba ia ka jubab ba la rah ha ka ing dorbar pyrshah ia u myntri ka tnad pule puthi dei ban jubab da u Myntri Rangbah ka Jylla.
Kane ka jingmih jyndat ki MLA ka VPP kadei ruh ban pynpaw ka jingpyrshah ia u Rakkam Sangma daka ba kynnoh ba u thmu ban pyniashrut hapdeng ki Khasi bad Garo, ha kba ki jingkren jong u ki la saphriang ha ki rynsan social media.
Kumba la paw, bad ba la pynpaw ruh da u nongialam ka VPP, dei namar ba ym lah ban ai ia ka jubab kaba biang ia katei ka mat ba la wan rah da u MLA ka Nonngkrem bad uba dei ruh u President ka VPP ha kane jingailad ban ia tai ha ka jingiatai ba lyngkot, ki MLA ka VPP ha ka jingialam u Bah Ardent Miller Basiawmoit ki la mih noh na ka ïing Dorbar katba ka Dorbar ka dang iaid shaphang ha kane ka Dorbar synrai kaba la poi sha ka sngi kaba saw ba la pynlong ia ka dorbar synrai ha ïing dorbar thaw ain ka jylla.
