Ka Sorkar Jylla kala pynbna ban pynkylla ia ka Farmers Empowerment Commission (Amendment) Bill, 2024.
Ia kane la pyntip da u Myntri ka Tnad Pule Puthi, u Rakkam A Sangma hadien ba wai ka jingialang ka kynhun Myntri Sorkar.
Haba kren sha ki lad pathai khubor u Rakkam ula ong ba kane ka jingpynkylla (Amendment) kadei ban pynkiew ia ka rta jong u Chairman na ka 65 snem sha ka 70 snem.
U Rakkam ula pyntip ruh baka kynhun Myntri Sorkar kala mynjur ruh iaka Service Rules naka bynta ka Meghalaya Public School Service Rules, 2024.
Kine ki Public School ki kynthup ka Shillong, Tura bad Jowai Public School.
“Ha baroh kine ki snem ym shym la don Service Rules na ka bynta ki nonghikai bad ki Principal ba trei ha ki Meghalaya Public School bad kiwei kiwei ki Public School hapoh ka Jylla” la ong u Rakkam.
Ha kane ka sngi, ka kynhun Myntri kala ai jingmynjur ruh ia ka Benami Transaction Prohibition Rules, 2024 ban ailad ia ki jingujor ki ban pdiang da ki Deputy Commissioner (DC) jong ki jong ki District.
Nalor kine, ka kynhun Myntri Sorkar kala ai jingmynjur ia ka Meghalaya Subordinate Water Resources Engineering Service Rules, 2024.
