U Bah Cornelius Laloo, uba la lam khmat ban seng ia ka khubor kaba thymmai ha ka jylla Meghalaya kaba la ai kyrteng MeghalayaPost.News ryngkat ka jingkyrshan jong ki nongthoh khubor ka Ri Bhoi District u la pynbna ba ia kane ka shlem khubor thymmai kaba don ia ka website www.meghalayapost.news shen yn sa pyniar ruh ha ka ktien phareng bad ha ki dur khih lyngba ka Youtube.
Kane ka shlem pathai khubor kaba thymmai jong ka jylla, kaba la seng da u Bah Cornelius Laloo ryngkat bad ka kynhun jong ki nongthoh khubor ka Ri Bhoi kadei kaba la angnud la slem bha, hynrei na kidaw kiba bun bad ki jingeh, la hap ban pynsangeh noh ha ki por kiba lah dep, bad dei tad haduh mynta ka sngi, ba kane ka jingphohsniew ka la wan ban urlong hadien ba ka Dr. Mazel Ampareen Lyngdoh ka la wan ban plie paidbah ha ka jingialang kaba la pynlong ha Circuit House Nongpoh.
Ka jingthmu ba kongsan hi jong ka jingsdang ia kane ka shlem khubor kaba thymmai ka long ban ai ia rynsan iala ki para nongthoh khubor ba kin ioh ban shakri khambha ia ka thain bad ka jylla hi baroh kawei na ka bynta ban ai ia ki jingtip kiba thikna bad kiba bniah sha ki paidbah ka jylla bad ka pyrthei hi baroh kawei khlem da leh shilliang khmat ne iashah liang iano iano.
Na ka liang u Bah Cornelius Laloo lem bad ka kynhun nongthoh khubor jong ka Ri Bhoi, ki la pynpaw ruh ia ka jingsngewkmen ba kane ka jingphohsniew kaba la slem bha, ka la lah ban wan urlong mynta ka sngi bad pynpaw ruh ia ka jingkyrmen ba ki paidbah kin ai ia ka jingkyrshan bad ka jingiatreilang ryngkat ryngkat na bynta ka bha ka miat bad ka jingmyntoi jong ka imlang ka sahlang hi baroh.
Nangkiew shaphrang Rangbah iaki jingthmu ba bha jongphi naka bynta ka lawei ka dong Ribhoi bad ka jylla baroh kawei…God bless you all
Khublei samla ia ki jingai mynsiem jongphi. To dang iai kyrshan ba ngin lah ban poi sha ka thong. U Blei Un kyrkhu ia phi ruh kumjuh. Khublei shibun!