U MLA ka South Shillong constituency u Bah Sanbor Shullai hynne ka sngi ula pyntip ba ula iakren bad u Lamphang ka iingdorbar thawain ban pynkiew noh ia ka Discretionary Grant (DG) jong ki MLA naka T.10 lak sha ka T.20 lak.
Haba pyntip ba kum u MLA ula pyndonkam hok iaka Discretionary Grant (DG) man u snem, u Bah Sanbor ula ong “Ha ka por ba nga dang long MLA nyngkong ha u 2008, ka song pisa ka dang dei tang T.3 lak bad hadien la pynkiew sha ka T.5 lak bad mynta kala kiew sha ka T.10 lak shisnem”.
U Bah Sanbor ula iathuh ruh ba dang shen ha ka jingialang bad u Lamphang ha ka jingiadonlang u Myntri Rangbah bad Symbud Myntri Rangbah, ula pynpaw ba kala donkam iaka Legislative Assembly bad iaka Sorkar Jylla ban pynkiew noh iaka Discretionary Grant (DG) naka T.10 lak shaka T.20 lak naduh u 2025.
U la kam ba ka jingioh ki MLA iaka Discretionary Grant (DG) man u snem, kadei naka bynta ban ai jingiarap song pisa ba donkam kyrkieh ia ki paidbah, kiba donkam jingiarap, hala ki jong ki jong ki constituency.
“Baroh ki MLA ki hap ban aiti ia ki Utilization Certificate ha ryngkat ki Bill khnang ba kin ioh ia ka song pisa bad ka shong ha uwei pa uwei u MLA kumno ban pyndonkam ia ka song pisa na ka bynta ki paidbah jong ka constituency lane shabar ka constituency jong ki” ula bynrap.
