Ka sorkar Inda lyngba ka Food Corporation of India (FCI) ka la tyrwa paidbah ia khaw ha ka iew paidbah lyngba ka Open Market Sale Scheme (OMSS(D) na ka bynta ban pynneh ia ka dor jong u khaw naduh ka 07.08.2024 kaba dei ban long ha ka shi taiew shi taiew.
Katkum ka dor khaw ba la buh ka dei Rs. 2800 /- shi quintal (Rs. 73 /- shi quintal) la pynrung lang ha ka dor ba la buh kyrpang na ka bynta u khaw vitamin (Fortified Rice) na ka bynta baroh shi snem kynthup ruh ha kaba ia dei bad ka jinglut jingsep ha ka kit ka bah (transportation) bad kumjuh ruh ia ka khajna kaba ki hap han ban siew haba ki la die ia u khaw sha ki kynhun riew shimet.
Ki nongkhaii, ki nongthied bad kito kiba don ki Karkhana pynmih khaw ki lah ban khlieh dor ym duna ia ka 1 MT bad palat ka jingklieh dor ha baroh ki jaka ba la pynlang ia u khaw lyngba tang kawei ka E-Auction kaba ki dei ban die ia u khaw ba kam dei ban palt ia ka 2000 MT.
Ka FCI, Regional Office, NEF Region, ka la tyrwa ia u khaw FRK na Meghalaya bad Mizoram lyngba ka
Skhim (OMSS(D) ka ban sdang naduh ka 07.08.2024. Kane ka iew E-Auction kan sdang ruh naduh ka por 11 baje mynstep bad yn khang haduh 2 baje janmiet ha ka 07.08.24 lyngba ka MJUNCTION portal.
Ka ophis FCI NEF Region, ka la pynpaw ruh ba don byllai u khaw ha kudam na ka bynta ban bteng ka jingtyrwa die ia u khaw lyngba kane ka skhim. Ia ka Notice Inviting Tender yn pynrung man la ka sngi Thohdieng ha ka MJUNCTION Portal bad hadien pat sa ka iew Auction man la sngi Balang. Na ka bynta ka iew ban sa wan jong ka E-auction kaba dei katkum ka Tarik 07.08.2024, ka jingdon u khaw ba la kot 25000 quintal, u khaw FRK na Meghalaya bad 20000 quintal u khaw FRK na Mizoram yn sa ia tywa lang kumjuh.
Ban ai jingmyntoi ia ki nongthied bad ki riew paidbah, ka FCI NEF Region khmih lynti ia ka jingwan shim bynta kiba bun na ki nongthied ba la dep ban pynrung kyrteng bad ka jingiakhlieh dor yn shah tang hapoh ka jylla katkum ka GST/TRADE TAX REGISTRATION ba la pynrung kyrteng ha ki jyla ne ki Union Territory jongki. Kane ka long katkum ka kyrwoh ba la phah da u General Manager ka FCI, Shillong.
