Nongpoh, Naitung 19: Ka jingthmu ban shalan tuh ne shalan beaiñ ia ka kyiad IMFL da uwei u dribar trok ka la pulum noh ha shiteng lynti, kaba dei hadien ba ka kynhun ki Pulit jong ka East Guwahati Police District na Basistha Police Station dang shen ki la ioh bat noh ia katei ka Trok ha ka jingpynap shrip ha Jorobat Police Check point.
Kumba la pynpaw da ki Pulit ka Assam ha ka rynsan social media, hadien ba la ioh bat ia katei ka trok kaba don ia u number UP-14-KT-4136, ki la ioh kem ruh ia u Dribar katei ka Trok ba la tip kyrteng kum u Sudhir Kumar Roy (38), uba dei na Samastipur, Bihar.
La pynpaw ruh ba katei ka Trok ka wan na Meghalaya bad ka dang thmu ban leit sha Bihar bad kane ka jingtmu ban shalan beain ia katei ka kyiad ka la pulom noh hadien ba la shah bat ha ki Pulit ka Asssam.
Na katei ka Trok la ioh ba kurup ia ka kyiad Royal Stag ba la kot 1,320 bilor, ka Royal Challenge ba la kot 740 bilor bad ka Harpic ba sait pain khana haduh 4,080 bilor ba la song bha ha ki synduk kot tang ban lait na ka jingshah bat ha ki Pulit. Na ka liang ki pulit ka Assam ki la pynlong ia ka jingtohkit ka bniah bad baniaid ruh katkum ki kyndon jong ka aiñ.
