Khliehriat, Naitung 29: Ka Meghalaya Indigenous Women’s Council (MIWO) ha ka jingialam ka President ka Kong Bythygrace Dkhar mynta ka sngi ka la phah da ka dorkhas sha u Deputy Commissioner ka East Jaintia Hills u Manish Kumar ban pynpaw ia ka jingpyrshah halor ka jingthmu ban ailad ia ka Shree Cement Limited ban buh ia ka Cement Plant bad ka Limestone Mining plant.
Haba kren sha ki nongthoh khubor hadien ka jingkynduh ia u Deputy Commissioner, ka Kong Dkhar ka la ong seng ka pryshah jur ia ka Public Hearing ba la pynbeit ban pynlong ha ka 31 tarik u Naitung 2026 ha Lum Syrman, Daistong bad ka jingbun ki Karkhana ha kane ka District ka la ktah shibun ia ki trai district naduh ka jingshah ktah ka koit ka khiah, ka jingjot ka mei maring, ki jaka rep bad ka lyer jaboh.
Ka la ong ruh ha ka Public hearing ba la dep, ki paidbah kiba kyrshan ia ka Shree Cement ki la kawang maw bad khang lynti ia ka surok da ka trok bad kum ki paidbah ki don ia ka hok ban pynpaw ia ka jingpyrshah jongki ia katei ka Shree Cement kaba thmu ban wan buh Cement plant.
Sa pule ruh: Saphriang Ka Video Ba Shah Pyniaid Paidbah U Muktiar Ha Surokbah Ha Shillong
“Ka public hearing ba la dep kam dei kata ka public hearing ba kin ioh ia ka hok ban pynpaw ia ka jingeh, namar la mih ka jingiahuri hura bad ki kynrum ki kynram bad ruh la shu pynlong jubor ia ka Public Hearing” ong ka Kong Dkhar.
Shuh shuh, ka la kyrpad ruh naduh ka JHADC bad ka sorkar jylla ba ki dei ban shim khia ia kane ka kam bad ka hap ruh ban sngewthuh ia ka jingshah ktah ki jaka ki puta ki nongshong shnong bad ia kane la sakhi ruh ba la don ki seng kiba pyrshah ia kane ka Public hearing bad ruh dei ban leh da kata ka lynti kaba ki paidbah kin ioh ia ka hok ban pynpaw bad ym ban leh da ka bor bad ruh dei ban pynbeit ia ka jingkajia jaka ki nongshong shnong kiba shah ktah lada wan kane ka Cement Plant ka Shree Cement, ka la bynrap.
Sa peit ruh
