Kum kawei na ka thong jong ka ‘Ek Ped Maa Ke Naam’, kaba dei ruh ka jingangnud ba la wan rah da u Myntri rangbah duh ka ri u Narendra Modi, ka ICAR Umiam mynta ka sngi ka la rakhe ia katei ka thong jong ka Ek Ped Maa ken am da kaba pynlong ia ka jingthung dieng Agar ha phyllaw jong ka IACAR Umiam.
Palat spah ngut ki nongtrei na ki tnad treikam bapher bapher ka IACAR ki la wan shim bynta ha ka jingialam u Director u Dr. V.K Mishra bad haduh 100 tynrai ki tynrai dieng Agar la thung ha kane ka sngi, kaba long shi bynta ka thong ban pynneh pynsah ne iada ia ka mei mariang.
Haba kren ha kane ka sngi, u Dr. V.K Mishra Director ka IACAR-NEH-Umiam, u la kren bad kham ban khia halor kaba bynta kaba khraw jong ka kmie bad kumjuh ruh ia ki synñiang jong ki kmie kiba don ia kata ka bynta ban pynneh pynsah ia ka mei mariang bad ruh ban wan rah ia ka bha ka miat ha ka imlang ka sahlang.
U la ong ruh haba kynmaw ia u synñiang u bynhei jong ki kmie ha ka imlang ka sahalng, kane ka jingrakhe ia kane ka sngi ban thung dieng ka long ban ai burom ia ki kmie jong baroh ki nongtrei hapoh kane ka ICAR ha Umiam. U la batai ruh halor ka thong jong ka ICAR ha ki sngi ban sa wan ban trei shitrhem na ka bynta ban iada ia ka mariang bad ruh ban pynlong jyrngam ia ki sawdong ki sawkun hapoh ka pneh ka mei mariang.
Shuh shuh, ha kane ka sngi, nalor ka jingkyrpad ia kiwei ruh ban ia snoh kti ha kaba pynneh pynsah ia ka mariang, u Director ka ICAR u Dr. V.K Mishra u la ai khublei kyrpang ruh ia ka ophis u DFO, Silviculture Division, Shillong, kiba la ia snoh kti lang ha kane ka prokram da kaba ki la pynbiang ia kitei ki symbai dieng Agro ba la thung paidbah mynta ka sngi ha ICAR.
