Nongpoh, Jylliew 10: Ka seng HITO, Umden Circle mynta ka sngi kila pynap da ki diengbah ha surok Nongpoh-Umden ban khanglad ïaki paidbah ban leit ban wan na utei u surok mynta ka sngi kum ka jingkyrshan ïaka longkmie kaba dang don hapdeng ka jingshah thngan ha nongbah Shillong ban dawa naka sorkar ba dei ban siang rong noh ïa utei u surok.
Naka liang ka seng ka khang ruh ïaki paidbah ba leit ba wan khamtam ki kali kamai bad pynlait tang ïaki khynnah pule, ki nonghikai bad ki kali kit nongpang.
Naka liang u Samla Marius Mallai kum u President ka seng HITO Umden Circle u la ong ba kum ka seng ka kwah ba ki paidbah kin snohkti lang haka jingshah thngan jong ka kong Bindas Syiem namar ka jingsyrtok ki paidbah kala long shaba palat haka liang u surok bad shem jingeh shi katdei haka leit ka wan.
Ha katei ka juh ka sngi naka liang ki paidbah kila lum ruh da ka jingïalang ha madan Umden bad rai ban kiew mynta ka sngi sha nongbah Shillong ban ai ka jingkyrshan ïaka kong Bindas Syiem
DA KI DIENG HA SUROK PYNAP KA HITO HA U SUROK UMDEN, KHANG ÏAKI PAIDBAH BA LEIT BA WAN
