Nongpoh, Rymphang 25: Ka long ka burom kaba khraw ia ka jylla hi baroh kawei ba ki 2tylli ki Company na Ribhoi District ki la ioh pdaing ia ki khusnam kyrpang ha Nongbah Delhi ba kynthup ia ka BASUBA Broom Company Ltd  ba ju pyniaid iew ia u Synsar bala dep thain bad kaba don ha Khliehumstem Ribhoi District bad kawei pat ka dei ka ERI WEAVE  PRIVATE LTD ka company kaba pynmih bad pyniaid  iew ia ki ksai bad ki jain ryndia kiba la shna ha ki rukom bapher bapher kaba long trai da ka Kong Iaishah Rymbai na ka Shnong Kdonghulu Ribhoi District.

Ia kitei ki khusnam, kine ki ar tylli ki Company na Ri Bhoi ki la leit ba pdiang ha Nongbah Delhi ha ka jingialang kaba la pynlong ha Ashoka Hotel, Delhi. Kane ka khusnam (Award) ka dei kaba la ai sngewbha da ka 9th (BMO) Business Membership Organisation  MSME  New Delhi.

Ka MSME lyngba ki Cluster na ki jylla bapher bapher ha ka Ri India da ka jingkhmieh bniah ia ki kam ba ki company ki trei bad pyaiaid iew ia ki mar bad nangta ki sa jied kyrpang pat ia ki Company  na ki Jylla kiba iakhun ban ioh pdiang ia kane ka khusnam.

Haba kren ba kine ki 2 ngut kiba wan shim ia ka khusnam  kata u Bah Pynshai Masharing bad ka kong Iaishah Rymbai ki pynpaw ka jingangewkmen bad khlem poi pyrkhat ba kin poi shaduh kane ka burom kaba khraw kaba long ka jingsarong ia ka shnong, ka District, ka jyllla bad  ha ka Ri India hi baroh kawei.

Kane ka Award ka ai Mynsiem shisha ia ngi ki comapny kiba na ki jaka nongkyndong bad kiba pyrshang ban pyniaid iew ia ki mar kiba pynmih da ki company jong ki, ki la ong.

Kine ki 2 tylli ki company ki la ioh pdiang ruh ia ka khusnam na ka kti jong u Manosh Tiwari, uba dei MP na Delhi bad la don ryngkat lang ruh u Shri Mukesh Gulati Executive Director Foundation of MSME Cluster, bad u padmashri Nila Madhab Panda uba la ioh pdiang ia ka National Award kaba ia dei bad kam shna bad pynmih phlim.