Ki nongtrei jong ka Swachh Bharat Mission ha Ri Bhoi ki la dangbteng ban ialap na ka bynta ban kyntiew ia ka khuid ka suba sha ki snnog ki thaw la ka long ha Nongkyndong ne ha ki jak asor lyngba ka prokram kyrpang ba la tip kum ka “Swachhata hi Seva.”
Kane ka jingialap halor ka khuid ka suba la pynlong mynta ka sngi ha ka Shnong Umtyngnga, kaba dei ka shnong khappud ha Ri Bhoi bad ia kane ka jingialap halor ka khuid ka suba la ialam da u Bah Bah Bankyrshan Marwein, Block Coordinator ka Swachh Bharat Mission jog ka Umling C&RD Block. Ka jingthmu jong kane ka jingialang ka long ban pynshai sha ki paidbah nongshong snong halor ka jingkordor ka khuid ka suba bad ha kane ka sngi la pynlong ruh ia ka jingiapynkhuid shnong ia ki lynti ki synkien hapoh ka shnong Umgyrnga.
Ha ka jingialap halor ka khuid ka suba u Bah Bankyrshan Marwein kum u Block Coordinator ka Swachh Bharat Mission ka Umling C&RD Block, u la bankhia ba ka shnong Umgtyrnga ka don ha syndah bad ka Assam bad kane ka shnong ka dei ban long ka suba ha kaba wan rah ia ka khuid ka suba ha kitei ki shnong khappud. Shuh shuh, u la pynpaw ruh kane ka prokram ai jinghikai, ka dei ka thong ban pynlong ruh ia ki shnong kum ki nuksa na ka bynta ban kyntiew ia ka khuid ka suba bad ruh ka jinglehkhuid ha baroh ki liang.
Ha kane ka prorkam ai jinghikai bad ka jingpynkhuid shnong paidbah la shim bytna ruh da u Bah Magalan Marbaniang, rangbah Shnong ka Umtyrnga, ki nongtrei na ka Swachh Bharat Mission bad kynthup ki paidbah nongshong shnong.
Kum ban pynpaw, kane ka jingpynlong ia ka jingialap ia ka khuid ka suba ka dei ka jingsdang ban ialap sha k paidbah ha Ri Bhoi ka ban sdang naduh ka 17 tarik u Nailur 2024 bad yn pynkut ha ka 2 tarik u Risaw 2024, kaba dei ka sngi kha jong u Mahatma Gandhi, uba dei u kpa ka jaid bynriew.
