Nongpoh, K’Lyngkot 23: Ki bor District jong ka Ri-Bhoi mynta ka sngi kila shim bynta ban rakhe lang ïaka National Voters Day ha kaba la pynlong ha Circuit House, DC Office, Nongpoh ha Ri Bhoi District.

Kum ban shu pyntip, ia ka National National Voters Day la juh rakhe ha man la ka 25 tarik Kyllalyngkot, hynrei mynta u snem la pynlong noh ia kane ka jingrakhe ha ka 23 tarik u Kyllalyngkot ba ka 25 tarik u Kyllalyngkot ka dei ha ka sngi U Blei.

Ha kane ka jingrakhe la wan ban shim bynta da ka kong B Ranee ADC ka Ri-Bhoi kum ka kongsan badla sakhi lang ruh da ka jigndon lang, u Bah Eric Dkhar ADC bad uba dei ruh u BDO Umling C&RD Block, lem bad Kiwei kiwei ki Ophisar.

Ha kane ka sngi la pynlong ruh iaka Extempore speech competition bad na ka Liang ki Nongpyniaid ki la sam ruh da ka Khusnam sha ki Nongjop bad ha kajuh ka por la sam ruh iaka EPIC sha ki First Voter lane kiba la ioh pdiang nyngkong eh ia ka voter ID ban thep vote.

Haba kut jong kane ka jingrakhe iaka National Voters Day la pynlong ruh daka jingiaid rally, kaba dei  hapoh ka jingialam jongka MERA YUVA BHARAT RIBHOI, kaba long shi bynta jong ka jingrakhe iaka National Voters Day, ha kaba la sdang na Circuit House, DC Office, Nongpoh bad pynkut pat ha Indore studium Umlynkdait Nongpoh.