Umiam Jylliew 9: Ka la long ka khubor kaba sngewsih ban tip ba u trai jong ka Thrills Fun Park ha Mawlein Mawkhan ha Ri Bhoi District bad ki nongtrei ki la shah shah ktah kti pynban ha u wei u nongwan jngohkai pyrthei ba la iathuh ruh ba u dei u Shipai na Uttar Pradesh.
Ia kane ka jingshah ktah kti u trai katei ka Thrills Fun Park ha u Shipai, la sakhi ruh lyngba ka CCTV, ba utei u shipai ym tang ba u la ktah kti ia u trai katei ka Park, hynrei u la pynjot bad pynpra ruh ia ki jingdon jingem hapoh katei ka Park.
Kumba la iathuh ruh, da u trai katei ka Thrills Fun Park, la ong ba utei u shipai uba wan jngohkai pyrthei sha Meghalaya, u wan lang bad ki bahaïing jong u sha katei ka Park ha ka sngi Saitjain ba la dep bad phew ha kane ka jingwan jong u, u la pynibor pynban ban ktah kti ia u bad ia ki nongtrei bad ruh ban pynpait ia ki tiar ki tar ha katei ka Park.
Dei lyngba ka jingmih ki Longkmie kiba trei ha katei ka Park ban ia kren bad pyrshah ia katei ka jingpynbor jong u, ba u la sangeh ban ktah kti bad pynjot ia ki tiar ki tar bad u la phet syndon na katei ka Parik,v ong u trai katei ka park.
