Shillong, Jymmang 29: “Nga ngan long ka sur ki paidbah sha ka sorkar jylla bad sha ka sorkar pdeng ban kitkhieh ia ka jingdonkam u paidbah, lada ki paidbah ki pynjop ianga kum u MP ha kane ka election shiteng samoi sha ka ïing Dorbar ka Lok Sabha ha Parliament na Shillong Parliamentary Constituency” ong u Dr. DRL Nonglait kum u kyrtong ka NPP haba ialap election mynta ka sngi ha Majai kaba dei kawei na ka thain khappud ka jylla.
Kum u kyrtong ka NPP, u Dr. DRL Nonglait u la ai jingiaroh ruh ia ki nongshong shnong ka thain Majai ba ka dei ka thain kaba la iakhleh bun ki jaid bynriew kata naduh ki Khasi, ki Garo, ki Bengali bad kiwei kiwei ki jaid bynriew, hynrei kum ki nongshong shnong ki don pat ia ka jingiatylli bad ki shongsuk shongsain wat la ia khleh jaid bynriew.
Haba pan jingkyrshan na ki paidbah, u Dr. DRL Nonglait u la ong ba lada ki paidbah ki pynjop ha kane ka election shiteng samoi, un num dei ban long tang kata ka sur jong u paidbah sha ka sorkar, hynrei u angnud ruh ban phai khmat ban kyntiew ia ka khaïi ka pateng bad ban pynlong ruh ia ka Majai kum ka jaka pdeng ha ka kam khaïi ha katei ka thain Khappud khnang ban ai kam ai jam bad lyngba ka khaïia ka pateng kan kyntiew ruh ia ka ioh ka kot jong u paidbah.
Shuh shuh, u la pynpaw ruh ba ka jingpdiang ban ia khun ia kane ka election shiteng samoi, ka dei kaba u don kata ka mynsiem ban kitkhlieh lang ia ka jaid bynriew bad ia ka jylla bad nalor shibun ki mat kiba u kwah ban pynurlong kiba kham hakhmat ka long ruh ban kyntiew ia ki lynti ki synkien, ki lad jingsumar bad ruh ia ka pule ka puthi kaba long kawei na ka bynta ba kongsan ban kiew shaphrang ka jaid bynriew bad ka jylla, u la bynrap.
Sa Peit Ruh
