Shillong Lber 03:  Ka Nationalist Congress Party (NCP) mynta ka sngi ka la pynlait ia ka kyrteng jong ki kyrtong kaba dei ha ka wat kaba ar na ka bynta ban ia aireng ha ka election MDC ka ban sa long ha ka 10 tarik u ïaiong 2026 ha Garo Hills Autonomous District Council.

Kine ki kyrtong ka NPC kiba la pynlait paidbah ia ki kyrteng ki kynthup ruh ia u Kingstone Bolwari Marak na Batabari Constituency, u Kraistone Marak na Asanang  bad u Baithiram A Sangma na Dengnakpara Constituency.

U Chairman ka State Election Committee ka NCP u O.K Sangma u la iathuh ba ia ki kyrteng jong ki 6 ngut ki kyrtong la dep pynbna ha ka wat kaba nyngkong bad mynta ka wat kaba ar la pynbna biang hadien ka jingshong pyrkhat ha ka 2 tarik u Lber 2026.

Kiwei kiwei ki kyrtong ka NPC ba la pynbna ha kane ka wat kaba ar ban ia khun ha kane ka election MDC na GHADC ki kynthup ia ka  Bina Rosaline A Sangma na Betasing, ka Gracefield Ch Marak na Nogorpara, u Arnarson Ch Marak na Rongrikimgre, u Dominic Ch Sangma na Balachanda, u Daniel M Sangma na Rochonpara, u Senggam K Sangma na Siju Rongara bad u Lordmountvyrythints G Momin na Amongpara.