Nongpoh, Jymmang 22: U Dr. DRL Nonglait kum u kyrtong ka NPP na ka bynta ka election shiteng samoi na Shillong Parliamentary Constituency mynta ka sngi ula hiar sha Bhoirymbong ban ialap ia ka election bad ban pan ka jingkyrshan kaba pura na ki paidbah ka Umroi Constituency bad na Ri Bhoi District.
Da kaba iaroh ia ka Ri Bhoi District, u Dr. Nonglait u la ong, “ Ka jingiatylli ka Bri u Hynniewtrep ha Rilum Khasi-Jaintia phin lang tang ha Ri Bhoi District” bad kane ka jingiatylli ka dei ba ha kane ka District ki don lut ki jaid bynriew Khasi naduh u Pnar, U Maram, war, u bhoi bad kiwei kiwei, ha kaba ki don ia ka jingiatylli bad ki kren hala ki jong ki jong ki ktien” u la bynrap.
U la iaroh ruh ba ka Ri Bhoi ka dei ka District kaba pynmih bun ki nongialam kum u Dr. DD Lapang, u Bah E.K Mawlong, u Bah J.D Rymbai lem bad kiwei ki nongialam bad kaba kongsan tam ka long ba ha Ri Bhoi wat la don kita ki Pnar, ki war, ki bhoi bad ki maram bad ki don pat ia ka jingaitylli bad ka jingiaieit kum kawei ka jaid bynriew.
Haba pan ka jingkyrshan ban pynjop ha kane ka election shiteng samoi, u Dr. Nonglait da ka jingsngewrit u kyrpad ia ki paidbah kin ai ka jingkyrshan bad ka thong kaba hakhmat eh kaba u angnud ka long ban wan rah ia ka jingiatylli hapdeng kajuh ka jaid bynriew Hynniewtrep, nalor kiwei kiwei ki mat kiba u kwah ban iasaid kyrpang ha parliament lada ki paidbah ka bri u Hynniewtrep ki pynjop don burom ia u.
Shuh shuh, u la bynrap ruh da kaba ong, ba bun kiba kren shaphang ka party kaba nga pdiang ban iakhun ha kane ka election shiteng samoi, hynrei ka nongrim kaba nga iakhun ka long ban trei na ka bynta ka bha ka miat bad ka roi ka par jong ka jaid bynriew bad ruh kaba kham kyrpang ka long ban peit kyrpang na ka bynta ban tehsong ia ka jaid bynriew ha kaba ym don kam ia ki kam pynroi lada ka jaid bynriew kam don ia ka jingiatyllie ne lada ngim don kata ka jingtei ne ia pynbha ia ka jaid bynrirew, u la bynrap.
Sa Peit Ruh
