Hadien ka jingioh jingtip kaba bniah, ki pulit ka Ri Bhoi mynta ka sngi kila ioh ban kem 2 ngut ki suba nongkhaii drok kiba wan da ka scooty haka por 3:45 eiei janmiet na Shangbangla Petrol Pump.
Haka jingtalasi ki pulit kila ioh ban kurup ruh u drok heroine ba don kumba 46.14 gram bala thep ha 4 tylli ki synduk sabon.
Kitei ki 2 ngut ki suba nongkhaii drok bala shah kem haki pulit ki kynthup ïa u Peter Lamare (31) bad u Vikash Masih (29) kiba dei na Punjabi Lane East Khasi Hills Shillong.
Naka liang ki pulit kila register case katkum ka NDPS act bad ka jingtohkit ka dang ïaid shakhmat ban lap shuh shuh kiba donkti.
