Lada dei tang ka jingshah thngan, nga ruh ngan shah thngan ban ioh surok, ong u Dr. Bom

Nongpoh, Jymmang 20: Ba bun kiba kam ba ka jingioh surok na Nongpoh sha Umden ka dei na ka jingshah thngan, u Dr. Celestine Lyngdoh u la ther tyngeh ba ma u ruh un shah thngan noh ban ioh surok bad kiwei kiwei ki kam pynroi.

U Dr. Celestine Lyngdoh u la ther tyngeh ia kito ki bym ju sngewnguh ia ka sorkar haba u ai jingkren mynta ka sngi ban ialap election na ka bynta u Kyrtong ka NPP u Dr. DRL Nonglait u ban iakhun ha kane ka election shiteng samoi na ka Shillong Parliamentary Constituency kaba la long myntra ka sngi ha Iewmawlong Nongpoh.

Sa Pule Ruh | Ioh jingkyrmen u Dr. DRL Nonglait ha ka jingialap election ha Iewmawlong ba wan kyrshan ki paidbah

U la ther tyngeh ruh Lada ym dei hi na ka jingtrei shitom ka sorkar ki kam pynroi kin nym poi sha u paidbah bad u la pynpaw ruh ia ka jingsngewnhuh ia ka sorkar ha ka jingialam u Myntri rangbah u Conrad Sangma ba ka Ri Bhoi ka ioh bun Bah ki kam pynroi.

Da kaba kdew Kum ka artificial turf ha Umbuda, ka Artificial Athletics track ha Pahamsyiem, ki surok, ki umbah ki umdih, ki kam pynroi na ki skhim kyrpang u Chief Minister ki dei ki katto katne ki kam pynroi ba ki paidbah ka Ri Bhoi ki la ioh jingmyntoi bad ka dei pat ka kam ram jingngi ban sngewnguh bad ym ban being ban kynthoh.

Sa Peit Ruh |