Nongpoh, Jylliew 25:Ban pynkhlaiñ ïa ka jingïaleh pyrshah ïa u drok bad ki jingdih pynbuaid, ka Ophis jong ka District Social Welfare Office, Ri Bhoi District, haka jingiatreilang bad ka Ophis Mera Yuva Bharat Ribhoi, ka la pynlong ïa ka prokram ai jinghikai ha Jirang Government Higher Secondary School, kaba don ha Western Ri Bhoi.
Ïa kane ka awareness programme la pynlong hapoh ka Nasha Mukt Bharat Abhiyan, kum shi bynta jong ka jingrakhe ïa ka National Day Against Drug Abuse and Illicit Trafficking, da ka jingthmu ban pynsngewthuh ïa ki samla pule halor ki jingma kiba mih na ka jingpyndonkam ïa u drok bad kiwei ki jingdih pynbuaid.
Ha kane ka prokram, ki riew shemphang kiba la shah khot sngewbha ki la ai jingkren bad ïasyllok bad ki khynnah skul, da kaba kyntu ïa ki ban jied ïa ka lynti kaba khuid ba suba bad ban kiar na kino kino ki jait jingdih kiba lah ban pynjot ïa ka lawei.
Sa pule ruh: Aiti U MLA Umroi, Ia Ka Iing Ba U Pynshna Sngewbha Ia Ka Longkmie Baduk Ha Umlangkraw
Shuh shuh, ka Ophis ka la pynlong ruh ïa ka Pledge Ceremony bad Signature Campaign, ha kaba ki khynnah skul ki la bam smai ban ym pyndonkam ïa u drok ne kino kino ki jingdih pynbuaid, bad ban im ïa ka jingim kaba khuid.
Ha kane ka program la wan ban ia donbynta lang da u Dr. S. Maxwell Lyngdoh, Counsellor bad Career Expert na Shillong, u Samla Alfred Doloi, Chairman jong ka SSSS Ri Bhoi Sepngi, Kong Priscyla Shongwan, Programme Coordinator ka MY Bharat Ri Bhoi lem bad u Bah Leader Thongni, Nonghikai ka Jirang Government Higher Secondary School, ryngkat bad kiwei kiwei.
Ka Ophis ka District Social Welfare ka la ong ba kan dang bteng ban pynlong kum kine ki prokram ha kiwei pat ki skul bad ki shnong jong ka district, khnang ban tei ïa ka imlang sahlang kaba lait na u drok bad kaba ai jingïada ïa ka lawei jong ki samla.
Sa peit ruh
