Namar ka jingdon katto katne ki dukan kiba die sikret bad kiwei kiwei ki jait duma sha ki khynnah rit hajan ki jaka pule bad pynkheiñ ïaka section 6 jong ka Cigarettes and Other Tobacco Products Act, 2023 (COTPA) kaba la kren shai ba kino kino ki dukan kim dei ban die ïaki jait duma sha ki khynnah rit kiba hapoh 18 snem ka rta bad kim dei ban die ïaki jait duma hapoh 100 meter naki jaka pule, naka liang u Deputy Commissioner ka Ri-Bhoi District u Abhilash Baranwal u maham ïa baroh ki dukan ba kim dei ban die ïa kino kino ki jait duma sha ki khynnah rit bad hapoh 100 meter naki jaka pule.
Naka liang u DC u la bthah ruh ïaki dukan, kiba die ïaki jait duma bapher bapher ba kin thoh ruh ‘La khang pyrshah ban die sikret bad kiwei kiwei ki jait duma sha ki khynnah rit hapoh 18 snem ka rta’ lane ‘Sale of cigarettes and other tobacco products to a person under the age of eighteen years is strictly prohibited and is a punishable offence’ haka ktien nongwei.
Kino kino kiba leh pyrshah kin ngat haka jingshah pynsajia katkum ki kyndon jong ka aiñ.
