Ka Central Goods & Services Tax (CGST), Shillong Commissionerate mynta ka sngi ka la rakhe ia ka jingdap Hynñiew snep ka jingtrei kam ka GST hapoh ka ri, da kaba la pynlong iaka prokram ban ai jinghikai paidbah halor ka GST ba la tip kum ka “Sashakth Vyapar – Samagr Vikas” (Empowered Business – Inclusive Growth). Ia kane ka jingrakhe dap Hynñiew snem ka GST la rakhe ha District Library Hall, Nongpoh.
Ha kane ka jingrakhe, la pynlong ruh ia ka jingiasyllok bad ki nongsiew khajna bad ruh ki nongiashim bynta kiba la wan ha kane ka sngi, da kaba la pynpaw ruh halor ka jingjop bad ka jingmyntoi ha kaba ia dei bad ka jingpyndonkam ia ka GST ha ka ri hi baroh kawei.
Ha kane ka sngi, la wan ban shim bynta naduh u u Praveen Kr. U Agrawal, u Assistant Commissioner ka tnad CGST Shillong; U H. Soikhanthang, u Commissioner ka CGST Shillong Commissionerate; U Pauzakham Ngaihte, u Additional Commissioner ka CGST Shillong Commissionerate; bad u Bah S. Myrthong, u nongpeit ia ka GST hapoh ka jylla Meghalaya.
Haba ai jingkren ha kane ka sngi, u H. Soikhanthang, Commissioner ka CGST Shillong Commissionerate, u la kren halor ka jingdonkam ka GST na ka bynta ki nongkhaïi ha ka jylla bad ka ri. U la pynpaw ruh ba ka thain Nongpoh bad Byrnihat ka la iarap shibun eh ha kaba ia dei ba ka khajna ba la ioh lum da ka sorkar bad u la pynpaw ruh ba ka thain Nongpoh ki la don haduh 613 kiba la dep ban register ia ka GST bad la ioh ban lum khajna haduh Rs. 36 klur ha u snem ba la dep bad ha ka thain Byrnihat kiba la dep ba register GST ki la don 209 ngut bad ka jinglum khajna ka la kot sha Rs. 27 klur.
U Commissioner Soikhanthang, u la pynshlur ruh ia ki nongkhaii ba ki dei ban register ia ka GST bad khamtam kane ka dei kaba hap ban leh da baroh ki nongkhaii kumba la buh ryntih da ka sorkar. U la pynpaw ruh halor shibun ki bynta ban ai jingmyntoi da kaba pynrung kyrteng ha ka GST, ia kaba ki hap ban shuh leh online bad kiwei kiwei ki jingmyntoi ba ka sorkar ka pyntreikam ia ka GST, kaba lah ban iarap kumno ban pyntreikam ia ki pisa na ka bynta ban lum ban kynshew bad ruh ka jingpynduna ia ki dor ki mur jong ki tiar ki tar lyngba ka jingdon jong ka GST.
U la ong ruh ba ka GST kan iarap ruh ban buh beit buh ryntih ia ki kam khaïi pateng lyngba ki jingtoh jingtar bad kum ki nongkhaii kin sngewthuh ruh ia ka jinglong jingman jong ki kam khaïi, kiba ki la leh, namar shisien ba la don ka GST kan lah ban pynpaw ia ka jingiohnong bad ka jingduhnong, kaba dei lyngba ka jinghap ban siew ia ka khajna sha ka sorkar bad ruh halor ki jingmyntoi ba ki ioh na ka kam khaïing pateng.
Shuh shuh, ha kane ka sngi, u Commissioner Soikhanthang, u la shim ruh ka kabu ban ai khublei kyrpang ïa ki tnad khaii pateng bad ki karkhana kiba la noh synñiang ban tei ïa ka jaidbynriew lyngba ka jingbud ryntih bad jingkyrshan jong ki ïa ka rukom pyntreikam ia ka GST ban siew khajna sha ka sorkar.
