Ki bahaiing hasem jong u Bah Sanbor Rapsang ba dei ruh u nongïalam ka HNYF Mawlai Circle mynta ka sngi kila pynpaw ka jingsngew lyngngoh bad sah haka umdum hadien ka jingkem ki pulit bala kynnoh donkti ruh ban ïarap ïaki dkhot ka HNLC.
Ka hynmen baheh jong u Bah Sanbor Rapsang, ka kong P Rapsang haba kren sha ki lad pathai khubor ha thanad Nongpoh mynta ka janmiet ka la ïathuh ba na ka liang ka jong ka ka dap da ka jingsngewlyngoh kaba khraw haba ka ioh jingtip ba ki bor pulit kila wan ban kem noh ia u para jong ka, mynta ka sngi haka por kumba 2 ne 3 baje eiei namar ba u Bah Sanborlang Rapsang u dei uba kitkhia bha ïa ka ïing ka sem, ïa ki khun ki kti bad ïa ka imlang ka sahlang bad pynpaw ruh ba kam shym poi pyrkhat ba ki bor pulit kin wan ban kem noh ïa u.
Ka la iathuh ruh ba u hynmen jong ka, u dei u briew u ba pariah, u briew uba don shibun ki paralok kat shaba u leit u wan bad u long uba kloi ban ïarap ïa kino kino kiba donkam jingïarap la haka sngewbha ne sngewsih hynrei nga ngeit skhem ba kiei kiei baroh ki long na ka bynta ka jingialam jong u Blei, kala bynrap
