Da ki phew tylli ki kali paidbah mynta ka miet kila sahkut ha shiteng lynti hadien ba kila dep ban theh umphniang ha kawei ka petrol Pump ba la tip kum ka ‘Bharat Petroleum’ kaba don ha ruad ka surokbah National Highway-6 ha Umran Dairy, Ri Bhoi District.
Ia kane la lap da ki trai kali ba leit ban theh petrol ha katei ka Petrol Pump kaba don ha Umran dairy bad ki la sngewlyngngoh iaka jingsniew lut ki kali hadien ba ki la p;oi shiteng lynti.
Kane ka jingsniew ka Kali, ka dei hadien ba ki la dep ban theh petrol na katei ka petrol pump bad ruh ha ka jingsniew ki Kali ki la khot ia ki Nongshna Kali bad haba la wad bniah la lap ba ka dei na ka umphniang kaba ki la theh bad ngat da ka petrol kaba la long kum ka umjngud.
Na kane ka jingsniew ki Kali ba shah ngat ha katei ka petrol ba long kum ka Umjngud, la pynlong ia kitei ki trai kali ban ialum ha katei ka petrol pump bad haduh ba la wan poi ki bor pullit na Umsning Police Outpost.
Shuh shuh la lap ba katei ka jingtheh um jngut iaki kali paidbah ka dei tang ka jingtorti jong u trai katei ka petrol pump ba kim shym la set bha ia ka tanky umphniang ka ba dang shna bad baroh ka umslap kala rung lut shapoh ka tanky.
Naka liang ki paidbah bad kitei ki trai kali kila bitar bad dawa ruh ba u trai ka petrol pump un hap ban siew lut ka bai lut ksan bad ka bai shna kali ha ka ba ki paidbah mynta ka miet kila soi ruh da ka soskular ba u trai u dei ban siew lut baroh ka jinglut jingsep ki kali kiba la sniew hadien ba la dep ban theh petrol na katei ka Petrol Pump.
