Mawkyrwat, Nailar 10: Kumba ka seng KSU ka la buh haduh san tylli ki mat jingdawa hakhmat ka sorkar jylla bad ba ka seng ka la rai ban leit pynshai sha ki paidbah ka jylla bad mynta ka sngi ka KSU ka la sdang ban ialap nyngkong eh ha Iew Mawkyrwat ban pynshai sha ki paidbah halor kitei ki 5 tylli ki mat.
Ha kane ka jingialap ne pynshai halor kitei ki san tylli ki mat, ka KSU ka la khot la we ria baroh ki paidbah ka South West Khasi Hills District ba kin ai ia kataka jingkryshan ia ka seng na ka bynta ki jingdawa ki ka seng ka la buh haduh 5 tylli ki mat.
Ki nongialam ka KSU kiba la ai jingkren bad pynshai ia kitei ki 5 tylli ki mat ki kynthup ia u u samla Shemphang Nonglang vice President ka KSU South West Khasi Hills District, u Samla Forw2aqrdman Nongrem President ka KSU SWKHD, u Samla Sandy Soihtun Organizing Secretary ka KSU Central Executive Council, u Samla Pynsaiboilang Rani Assistant General Secretary ka KSU CEC lem bad kiwei kiwei ki nongialam ka seng.
Pule ruh:Pyneh Triang Ki Nongdie Madan Ha Jail Road Wat La Pynap Ka Municipal Da Ki Bor Pulit
Kitei ki san tylli ki mat ba ka sneg ka la ialap paidbah ban pan ka jingkyrshan na ki piadbaqh ki kynthup ban pyndam noh mardor ia ka public hearing ka Shree Cement ha East Jaintia Hills, ban sonpon kam shipor ia u DC bad SP ka East Jaintia Hills, ban tohkit mardor ia ki ophisar ka MSPCB.
Sa peit ruh:
Kiwei pat ki mat ki kynthup ban pyntreikam noh ia ka MRSSA 2016, ban pynurlong ia ka jingpynkylla ia ka Meghalaya Identification, registration (Safety & Security) of Mirgant workers act, 2020, ban pynbeit ia ka rukom thungkam ha NEIGRIHMS kumba la kular, ban wan rah ia ka rukom thungkam kaba khuid ba suba ha MPSC bad DSC bad kynthup ruh ban pynduh pyndam syndon ia ka jingthmu ka sorkar India ban khlong ia u Uranium ha Nongbah Jynrin (Domiasiat) South West Khasi District.
