Shet Ki Nongdie Ticket, Hap Pynsangeh Ka Shnong Pahamsyiem Ia Ka Lucky Draw

Nongpoh, Naitung 23: Ka Dorbar Shnong Pahamsyiem hynne ka step lyngba u Bah Jedwin Lyngdoh kum u Rangbah Shnong ka la pynbna paidbah ba kan pynsangeh noh ïaka jingpynialehkai ïaka Lucky Draw kaba la mut ban pynialehkai haka 24 tarik jong u bnai Naitung 2025.
Haba kren bad ai jingpynshai naka liang u Rangbah Shnong u Bah Jedwin Lyngdoh u la Pynpaw ba ka Dorbar Shnong hi baroh kawei ka dap daka jingsngewkhia ba ïaka Lucky Draw kaba la pynïaid daka Dorbar Shnong la hap ban pynsangeh noh bad u la ïathuh ruh ka daw kaba pynlong ban pynsangeh ia ka jingpynialehkai ïaka katei ka Lucky Draw ka dei namar ba ki don ki briew kiba shim iaki ticket ban pyndie hynrei ynda la dei kapor ban lum noh iaki kim shym la pynphai ïaki ticket ba la dep die lane ka Receipt.
U la iathuh ruh ka jingbym ioh lum lut ïa kita ki ticket ba la dep die lane ki receipt ka Dorbar Shnong ka shem jingeh ban pynialehkai ia katei ka Lucky Draw bad dei halor kane ka nongrim ka Dorbar Shnong kam banse ban pynbna paidbah noh ba la hap ban pynsangeh noh ban pynialehkai ia katei ka Lucky Draw.
U Bah Jedwin Lyngdoh u la Pynpaw ba baroh kiba la shim bad thied iaki ticket ba kin nym dei ban khuslai naba ka Dorbar Pahamsyiem kan sa pynphai lut iaki pisa sha kito kiba la thied iaki ticket bad ha kajuh kapor ka la kyntu ruh ba kito kiba la thied ticket ba kim dei ban bret iaki namar ba kin hap ban wan rah ban pyn shisha ha kapor ba ki wan ban shim iaka pisa, bad ïaka tarik ban pynphai iaka pisa yn sa pynbna lyngba ki lad pathai khubor.