Shillong Nailur 17: Hadien ba la pynbam smai da u Lat ka jylla hynnin ka sngi ia ki 8 ngut ki Myntri sorkar ba thymmai ka jylla, u Myntri rangbah ka jylla u Conrad K. Sangma mynta ka sngi u la pynbhah kam noh ia kitei ki 8 ngut ban khlieh ia ki tnad sorkar bapher bapher kum kita ki Myntri sorkar ba thymmai.
Ki 8 ngut ki myntri sorkar ba thymmai bad ba la pynbhah kam da u Myntri rangbah ka jylla ki kynthup ia u Bah Metbah Lyngdoh u ban peit ia ka tnad Bording, Water Resources, Taxation bad Texitiles, u Timothy D Shira ban peit ia ka tnad Tourism, Agriculture bad Fisheries, u Bah Sosthenes Sohtun ia ka Community & Rural Development (CNRD), Secretariat Administration Department (SAD) bad General Administration Department (GAD), u Bah Lahkmen Rymbui ia ka tnad Education, Revenue & Disaster Management Department, Information and Public Relation Department bad ka Law, U Bah Brening A Sangma ia ka Tnad Border Area Development, Excise bad Home (Civil Defence and Homeguards) Depertment, u Bah Sanbor Shullai ia ka Animal Husbandry and Veterinary Department, Arts and Culture, Printing & Stationery Department bad ka Legal Metrology, u Bah Wailadmiki Shylla ia ka Health & Family Welfare Department, Sports & Youth Affairs Department bad ka Home Passport bad u Bah Methodius Dkhar ban peit ia ka Food and Civil Supplies & Consumer Affairs, Labour Employment & Skill Development, Registration & Stamps Department and Cooperation.
Na ka liang u Myntri rangbah ka jylla pat un sa khmih da lade ia ka Cabinet Affairs, Finance, bad kiwei kiwei ki tnad ki um shym la bhah kam sha kiwei ki myntri sorkar.
Kiwei kiwei pat ki myntri sorkar kiba ym shym la shah pynhiar shuki kin bat hia ia kijuh ki department kumba long baroh shi katta ba kynthup ia u Bah Prestone Tynsong kum u symbut myntri ka jylla uba ba bat ia ka Home (Police) department, Paliamentary Affair department, Public Works Department (R), Public Works Department (B), bad District Council Affairs Department, katba u Bah Sniawbhalang Dhar kum u symbut myntri sorkar uba bat ia ka Urban Affairs Department, Transport, Commerce & Industries Department, Department of Prisons and Correctional Services.
U Marcuise Marak pat u bat hi ia shuki ban bteng ia ki juh ki ki kam ba kynthup ia ka Public Health Engineering Department, Housing Department bad ka Soil & Water Conservation Department.
