Shillong, Nailar 27: Ki muktiar jong ka jylla, hapoh ka shatri jong ka High Court of Meghalaya Bar Association (HCMBA) bad ka Shillong Bar Association (SBA), mynta ka sngi ki la pynlong ïa ka jingïakhih paidbah da kaba ïaid paidbah ha nongbah Shillong.
Ka jingïakhih jong ki muktiar ka long ban dawa na ka Sorkar Jylla ba kan weng noh ïa u Advocate General (AG) ka jylla, u Amit Kumar, na ka bynta katei ka kam.
Ïa ka jingïaid paidbah la sdang na jan ka Ïingbishar, nangta la ïaid lyngba ka Barik, Dhankheti, Malki Point bad Lachumiere IGP, shuwa ban wan pynkut biang hajan ka Ïingbishar.
Ha kane ka jingïakhih, ki muktiar ki la rah ïa ki placard kiba dawa na u Myntri Rangbah ka jylla ban sangeh noh ïa ka jingpyneh ïa u Amit Kumar kum u Advocate General. Ki kyntien kiba la thoh ha ki placard ki kynthup ïa, “Ym dei ban jingïada ïa u Amit Kumar” bad “Amit Kumar Go Back.”
Peit ruh:
Ki muktiar ki la kynnoh ruh ba ka Sorkar Jylla ka pynlut kai ïa ka pisa paidbah da kaba thung ïa ki briew na Delhi ban bat ïa ka kam Advocate General ha ka jylla.
