Uwei u nong India u la duh ia la ka jingim bad uwei pat uba dei hi na India bad ba la kylla long u nongshong shnogn ka New Zealand u la mynsaw, kaba dei hadien ba ki ar tylli ki Helicopter ki la ia tyngkhun kynsan katba ki dang thmu ban hiar ha ka Helipad ha Napal ba hap ha Solukhumbu District, kaba don kumba 250 ka jingjngai na Katmandu.
Kumba la paw ha kylleng ki khubor, kane ka jingjia ka la jia mynta ka step jong ka sngi baar katba kitei ki ar tylli ki Helicopter ki dang thmu ban hiar ha katei ka jaka hiar Helicopter (Helipad) ha Nepal, hynrei kynsan kynsan ki la ia tyngkhuh ha ka por ba mut ban hiar haduh ba baroh 2 tylli ki Helicopter ki la julor phum.
Katkum ki tyllong khubor, utei u ba la khlad la tip kyrteng kum u Vasant Kumar Balara Madu ha ka rta kaba 47 snem na India bad uba la mynsaw pat u dei uba la tip kyrteng kum u Shailesh Kishan Patel 53 snem ka rta uba dei na India bad u la shong la sah sha New Zealand.
Katkum ka khubor na ki bor pyniaid Lingsuin ka Nepal, la ong ba kane ka jingjia ka la jia ka dei namar ba kitei pangkha jong kitei ki 2 tylli ki Helicopter ki la ia tyngkhun kynsan shwa ba hiar ha madan tad haduh ba la wan rah ka jingkhlad uwei u rangbah bad mynsaw uwei pat bad ryngkat ka jingjulor jong kitei ki Helicopter.
