Shillong, Nailar 05: U Myntri Rangbah ka Jylla u Conrad K Sangma u la ong ba ka Sorkar ka dang pule bniah ïa baroh ki daw kiba lah ban pynlong ïa ka jingshlei um ha Jorabad Ri-Bhoi District bad ka dang wad ïa ki lad ki lynti ban weng ïa ka jingeh jong ki paidbah.
Haba kren shaki lad pathai khubor u Conrad u la ong ba ka jingtei ïa ka surok ka la wanrah ïa kawei ka jingeh, namar ka don ka bynta kaba long kum ka jingker kaba pynlong ïa ka um ban lang bad lum ha ka jaka kaba don hapoh ka flyover.
U Conrad ula ong ba namar ka jaka hatrai jong ka Flyover ka long kaba kham jylliew, ka um ka lang sted bad ka pynsted ruh iaka jingshlei um.
Pule ruh: Yn ia kren ka sorkar mynta u bnai Ban pynkynriah iaka Harijan Colony na Them Iew Mawlong
Ula ong ba lah ban don ruh kiwei pat ki daw kiba pynlong ïa ka jingshlei um, bad ka Sorkar bad ki bor District ki hap ban peit bniah ïa baroh kine ki bynta.
“K Sorkar ka sngewkhia halor ka jingeh jong ki paidbah bad ka thong ka long ban wad ïa ki lad ki lynti ban pynduna ïa ka jingeh bad ka jingpynwit ïa ki paidbah” ula ong.
Peit ruh:
U Myntri Rangbah ula pyntip ba ki Deputy Commissioner jong ka Meghalaya bad Assam ki la ïatreilang ban peit ïa kane ka mat, bad ka Sorkar ka kyrmen ban shem ïa ka sienjam ba shipor bad ruh ka lad ka lynti kaba neh slem ban pynbeit ïa kane ka jingeh.
