Shillong, Risaw 27: U Bah Allfondbirth Kharsyntiew uba dei u General Secretary jong ka Hill Farmers Union Central Body Meghalaya bad ruh uba bat ia ka Kam Kum u Convener jong ka North East la 3 snem kynthih bad iasnoh kti lang bad ka wei ka Seng nongrep kaba heh ha ka Ri India ka ba dawa ia ka Minimum Support price (MSP) na ka Sorkar India hapoh ka jingialam jong ka Seng BJP.
Ha kane ka Sngi ka jingialang ka la long ha Puranpur, Piliphit Utter Pradesh la don lang u VM Singh Convener jong ka All India MSP Guranteed Kissan Morcha. U MP jong ka Lok Sabha na Madhya Pradesh u Mr Harender Malik, u MP na Mussafar Nagar Uttar Pradesh na ka Samajwadi party, ki heh nongialam na ka Seng BJP na Utter Pradesh bad kiwei kiwei kiba la shah khot sngewbha.
Ha kane ka sngi la iadon ryngkat ruh ki Convener na kyelleng kylleng ki jaka bapher bapher ka Ri India naduh Bihar, Haryana,West Bengal,Utter Pradesh ,Hyderabad ,Pune, Northeast India bad na kylleng ki Jylla kiba don hapoh ka Ri India.
Palat 2000 tam ki nongrep na kylleng ka jaka kiba wan sha kane ka jingialang kum ka jingsngewkhia halor ka jinghiar dor palat ki Mar rep bad da kane ka jingialang la pynlong kum ka jingkyrsiew ban pynkynmaw ia ki nongialam bad ki nongrep ba ngim dei ban sngap jar halor ka jingdawa ia ka Minimum Support Price (MSP) na ka Sorkar India.
U Bah Allfondbirth Kharsyntiew haba ai jingkren, ha kane ka sngi u la kren da ka Ktien Hindia, ha kaba u la pynpaw ba wat ki nongrep kiba rep ha ki jaka barit ha ki jaka ri lum hapoh northeast,Hynrei sngewsih ban ong ba ha kaba ngi leit die ia ki mar rep jong ngi kiba ngi la rem shitom baroh shi aiom ,nalor ba ngi la trei shitom hynrei por ba ngi die ia u mar rep jong ngi ,ngi hap ban die ia u mar rep ha ka dor kum u mar jot lane mar pyut.
Kumta u la iawer ba baroh ki nongrep ba kin leit sha ki shnong ki shnong bad ban pynkhie im biang ia ka jingdawa ia ka MSP da ka pyndonkam ia ka slogan “HAR GHAR MSP, Har Gau MSP” Kaba mut man ka ngi dei ban dawa ia ka Guaranteed MSP ban pyntreikam ha ka ri India baroh kawei.
U Bah kharsyntiew, u la pynpaw ruh ba haba ngi thied ia ka Tractor, ki symbai bad baroh ki machine kiba ngi ju pyndonkam ha ki kam rep ngi ki nongrep ngi ju siew ha ryngkat bad ka tax ,hynrei sngewsih pat ban ong ba ia ki mar rep jong ngi ba pynmih da ki nongrep kum u Syieng ,u Biskot, u Phan u sohsaw bad kaba sngewsih ka long ba ki nongrep ki hap ban die ia ki mar rep ha ka dor kaba tad lane la shu khein kumba die ia ki mar jot ba ym don ka iew ka hat.
U la ong ruh ba ki nongrep ka Meghalaya bad ki nongrep ka Northeast ki kloi ban snohkti lang ia kane ka jingdawa ba shongnia ban dawa ia ka MSP namar ka ne ka dei ka kam iap ka kam im jong ki nongrep.Ha katei ka sngi ula ioh sngew ruh ia ki jingkren na baroh ki Conveners na ki jylla bapher bapher jong ka Ri India bad kumjuh la pynsngew ia ka History jong ka jingiaid lynti kaba la 25 snem ha ka jingdawa ia ka MSP na ka Sorkar India