Delhi, Naitung 25: Hadien ar bnai kynthih ka jingiakhih jong ki samla pule ka ri India hapoh ka jinglamkhmat ka Cockroach Janta Paty (CJP) ha Jantar Mantar jongka nongbah Delhi ban pyrshah halor ka jinglait tuh ki jingkylli NEET, u myntri ba dei khmih iaka tnad pule puthi ka ri, u Dharmendra Pradhan mynta ka sngi u la hap ban pyndem noh ialade bad phah iaka shithi hiar shuki sha u myntri rangbah ka ri, u Narendra Modi.
Wat lada naka liang utei u myntri ka tnad pule puthi ka ri ula hiar shuki, hynrei ka CJP kala pynpaw ba sa ar ar tylli kiwei de ki mat dawa ki dang sahteng, kiba kynthup ban siew bailutksan kumba 1 klur tyngka sha ka longing kito ki samla kiba la pyniap ialade bad ruh ban pynthikna ba ka sorkar kadei ban weng iaki case kiba la pyn ngat pyrshah iaki samla pule kiba la mih ban iakhih.
Pule ruh:Meghalaya Pineapples Now Available In Bengaluru On Swiggy Instamart
Ha ka shithi hiar shuki, u Dharmendra Pradhan u la pynpaw ula shim iaka jingkitkhlieh halor ka jinglait tuh ki jingkyli NEET-UG mynta u snem, naduh ki sngi kiba sdang bad pynpaw ruh iaka jingsngewkhia jur halor ka jingdon jong ki katto katne ki briew kiba sdang ban ialam bakla iaki samla pule. U la ong ruh ba ka jingiakhih ha Jantar Mantar bad ka ri hi baroh kawei ha kine ki shiphew sngi kiba lah dep, kala pynsngewsih jur ia u.
“Kane kam dei ka kam kaba iadei bad ka burom shimet ka jongnga. Ki samla ka ri India kidei ka bor kaba shisha jong ka ri. Nga long uba la kut jingmut ban nym ailad ba ka ki samla ka ri kin hap ha ka jingpynapshrip jongka jingpynbyrngia” ong u Dharmendra Pradhan haka shithi hiar shuki bad bynrap ba kane ka jinglong jingman mynta kam dei satia ban shim kabu da ki briew kiba long pyrshah iaka bha ka miat jong ka ri bad ba ki samla pule kidei ban phai khmat shaka jingpule bad ki kam ki jam ki jongki.\
Sa peit ruh:
Kum ban shu kdew hangne, u Dharmendra Pradhan u la bat ia katei ka shuki kum u myntri ka tnad pule puthi la san snem kynthih, kata naduh u snem 2021 ter ter bad kane ka jinghiar shuki ka jong u kala wan hadien ka jingjur jongka jingiakhih ki samla pule ba la lam khmat da ka CJP.
