Shillong, Naitung 07: Haba pynpaw ia ka jingsngewskhem ha ka general election 2028 ban sa wan hapoh ka jylla u nongialam ka BJP bad ubad ei ruh u MLA ka Pynthorumkhrah u Bah A.L Hek mynta ka sngi u la ong ba ka party BJP ka don ia ka thong ban thaw sorkar ha Meghalayaf bad kan nym treh ban iatrei lang bad kano kano ka Political Party hapoh ka jylla.
Haba kren sha ki Nongthoh khubor ka jylla, u Bah Hek u la ong ba ka BJP kan lam khmat ia ka sorkar ha ka election 2028 hapoh ka jylla.
:Ngeit ianga, ha u snem 2028, ka BJP kan ialam ia ka sorkar ha Meghalaya. Ki nongialam na ka Central kin ai ia ka rai mano ban long u nongialam bad khlem artatien ka bJP kan ioh ban thaw sorkar ha Meghalaya” ong u Bah Hek.
U la ong ruh ba ka BJP kan iaid beit marwei bad kan nym treh ban ia trei lang bad kiwei ki party.
Haba kylli pat la ka don neem ka jingpynkylla ia ki nongialam jongka BJP kynthup naduh ka post u president shwa u snem 2028, u Bah Hek u la ong ba ia kane ka rai kan shong ha ka rai jong ki nongialam ka Central bad ia mynta um kwah satia ban kren halor kane ka phang ban pynkyla nongialam.
Peit ruh:
Ha kawei pat ka bynta, u la pynpaw ba un nym iakhun ha kane ka election MP shiteng samoi na Shillong bad u la pynpaw ruh ba dang don bun ka por ka party kan pynbna ia u kyrtong ha kaba la mih ka kyrteng u Bah Sanbor Shullai kum u kyrtong bad ba u la dep ruh ban ai ka jingmynjur ia u kum u Kyrtong ban iakhun ha kane ka election MP shiteng Samoi na Shillong Parliamentary Constituency.
