Shillong, K’Lynkgot 19: Ha ka jingialam u Myntri sorkar bad uba dei u MLA u Bah Sanbor shullai, ka Party BJP na Meghalaya mynta ka sngi ka la ioh ban ia kynduh kyrpang ia u Myntri ka sorkar pdeng ba de pait ia ka surok u Nitin Gadkari ban kyrpad jur na ka bynta ban kit khlieh lem halor ka jingpynslem ban pyndep ia ka surok 4-lane na Umshyrpi sha Sadaw.

Ha kane ka jingiakynduh ia utei u Myntri ka sorkar pdeng, nalor u Bah Sanbor Shullai kum u MLA bad u Myntri ka sorka jylla la don lang u State President ka BJP u Rikman Momin bad kiwei kiwei ki nongialam ka BJP na Meghalaya. Kine ki nongialam ka BJP ki la pynpaw ruh hakhmat u Myntri ka sorkar pdeng ia ka jingdonkam ban don ki Nala um kiba biang ha ki bynta jong ka Shillong Cantonment bad ruh halor ka jigndonkam ban ioh noh ia ka jingkieng iaid kali na suin kata na Barik sha Jhalupara Taxi Stand ban weng ia ka jingdheng Kali kaba la ktah na ka por sha ka por ha katei ka jaka.

“U Myntri ka sorkar pdeng ba dei peit ia ka surok u Gadkari u la kular ban shim khia halor kitei ki mat ba la wan rah da ki nongialam ka BJP na Meghalaya bad u la kular ruh ban ia kren sha ka Defence Ministry ban ai jaka sha ka NHIDCL na ka bynta ka jingkieng iaid kali na suin (Flyover)” ong u Bah Shullai haba ai khublei kyrpang ia u Gadkari kum u myntri ka sorkar pdeng.