Halor ka jingthmu ban pynlong rally kawei ka kynhun seng ba pyrshah bam doh masi ba la tip kum ka ‘Jagatguru Shankaracharya Ji Maharaj ha Nongbah Shillong bad ruh ka la thmu ban leit sha ki lad pathai khubor halor kate ka jingthmu, naka liang ka HYC Sengkmie mynta ka sngi ka la pyrshah jur ia katei ka seng bad ka la hiar ruh sha Shillong press Club ban ia kynduh ia kitei ki nongialam ban ia kylli pyrthew halor ka jingthmu jongki.
La ioh ruh bai a ka Shillong Press Club la syrtap da ki bor pulit kiba la pahara, kaba dei hadien ba katei ka kynhun ka la thmu ban leit sha ki lad pathai khubor ban ia kren halor katei ka jingthmu ban ialap pyrshah bam doh masi ha Nongbah Shillong.
Halor kane ka ka jingthmu katei ka seng, u President ka HYC u Bah Roykupar Synrem, u la dawa baka Sorkar Jylla kam dei ban shah iaka ‘Jagatguru Shankaracharya Ji Maharaj’ ban pynlong Rally ban ialap khang bam doh Masi.
U Bah Roykupar u la ong ba ka jingwan jong ka HYC ha jan ka Shillong Press Club kam dei ban thaw jingkulmar hynrei kadei ban ia kynduh iaki nongialam ka ‘Jagatguru Shankaracharya Ji Maharaj’ ban pynsngewthuh ba 95% ki nongshong shnong ka Meghalaya ki bam doh Masi.
U la byrgem ruh ba lada ka Sorkar Jylla ka shah ban pynlong Rally ialap khang bam Doh Masi, ka HYC ruh kan pynlong lang daka Rally haka juh ka sngi ban lehkmen daka ba bam Doh Masi.
