Shillong, Nailur 15: Ha kawei na ki dur khih ba la saphriang ha ki rynsan social media la iohi ba ki paidbah Nongshong dukan ha ïew Rynjah, Shillong, hynnin ka step jong ka sngi u BLei ki la ioh bat ia u wei u bar jylla u ba la thied jing thied na ki dukan ha iew bad ba la kynnoh ba u la shu leh thok ban siew da ka Gpay.
Ki paidbah ki la kynnoh ba une u briew uba dei u bar jylla, u la thied jingthied bad leh mynleh ong ban siew da ka Gpay kumba ju siew lem ki paidbah kiba ym ju rah pisa shuh katkum ka pyrthei online mynta bad kaba sngewlyngngoh ka long ba na ka Gpay jong u la paw ba la dep ban siew ia ka pisa katba sha ka Account jong kito kiba u siew pisa pat kam poi satia.
La sakhi ruh ha katei ka dur khih, une u bar jylla, ha ka jingioh bat ki paidbah nongshong dukan u la batai ia lade ba u dei u Varun Sharma na ka shnong Rynjah Colony Shillong bad ki paidbah ki la ioh bat ia u hadien ba la suba ia ka kam thok ka kam shukor jong u ban pyndonkam da ka Gpay katba u dang thied jingthied na kawei ka Dukan ha Iew Rynjah.
Kane ka jingioh bat ia une u bar jylla ba la suba leh thok, ka dei ruh hadien ba u la siew pisa sha ka dukan ba u thied jingthied lyngba ka Gpay kaba na ka Gpay jong u la pynpaw ba la dep ban siew katba ka pisa pat kam poi sha kiwei kiba u siew lyngba ka Gpay. Halor kane ka jingioh bat ia une u bar jylla ba la kynnoh leh thok lyngba ka Gpay ki nongshong iew ha Rynjah ki la leit ban aiti noh ia sha Rynjah Police Station ban pynlong shuh shuh ia ka jingtohkit halor kane ka jingkynnoh leh thok lyngba ka Gpay.
